يوميات ممرض تحت التمرين

يوميات ممرض تحت التمرين

 عندما تراه لا يخطر ببالك أن هذا الكم الهائل من الايفيهات (اللي تموتك من الضحك) يمكن أن يخرج منه ليس هذا لعيب فيه (لا سمح الله) أو لسوء منظر أو ملبس  وإنما لحبه و حرصه الشديدين للكتب وللدراسة وحضور المحاضرات وقد كانت البداية عندما سمعت أحدهم يسأله عن شئ ما بالدراسة واحتدم النقاش بينهم حتي سمعته يقول :-يا عم دا اشتغلات نافوخ ؛ دول كرّهوا الناس في دنيتهم

يعني كتاب زي كتاب الاطفال ده .ايه لزمة ام كتاب العملي ده؟. لا واية الفرق بين الفايا ل و الامبول ؟ وعشان تسحب المحلول الدوا من الفابال ..هندسة واصعب من الهندسة. اية يا اسطي اللي همه جايبنه ده ..بنهندس

انتقل الحوار ودار حتي تطرق الي كيفية اعطاء الحقنة ؟ فما كان منه الا ان قال :يا عم دا بيقسموها ..بيقسموها أنت عارف زي ما يكون خريطة حرب واحد ماسك خريطة حرب عند تقاطع خط شرق مع خط مش عارف اية ؛اكنك هتضرب قذيفة مدفع

فقال احدهم :-حدود يعني ؟!

فقال ك-حدود..دي خطوط تماس ..لأ وأية تمسك الحقنة بزاوية 24.8 .ودى نحسبها ازاى ؟! معاك منقلة .

وتعقم مش عارف ازاي بطريقة سيركيولار

والهاند وشنج..الهاند وشنج ..علم يدرس. عشنا وشوفنا غسيل الايدين بقي  علم يدرس ؛وعاملين دكتوره مخصوص عشان غسيل الايدين

وعاملينه في الف خطوة يا عم دا أنا اتعقدت في دنيتي ؛طب دا أنا جيت اغسل إيدي قولت يا خراب اسود دا فيها لحد بكرة ..!! يا عم اسكت دا نقطونا أمور ساذجة وعبيطة ..ضيعوا مستقبلنا ولاد ال...مش كان زمنا ...ياللا بقي

وعندما انتفل الي الحقن الوريدي قال:-حقن الوريد ..حقن الوريد دي حاجة ..فوق الوصف .يعني أنا افتكر واحد زميلنا مرة من كتر ما كره دنيتة مسك القطنة وقعد يعقم (باينهم كانوا معقدينه من موضوع التعقيم دا يعني) قالك التعقيم بالسالاين لوحده مش كفاية أنا اجيب كحول كمان قام جاي معقم ايده بالكحول كمان قال مش كفاية احنا نغسل بشوية بيتادين كمان.. (حلو)شوف عقم المنطقة دي لدراعه من فوق بمليون حاجة بعد كده قام ماسك سن الحقنة وقام ساحب بيها

طب أنا حضرت مواقف في المستشفي يشيب لها الولدان. يعني كان فيه مواقف ساذجة وعبيطة قوي.

يعني مثلا عشان تعرف ان كلية التمريض دي ما بتعلمش أي حاجة في أي حاجة .واحدة خريجة كلية تمريض بكالغيوس (بالغين كما قال) وبقالها 15 سنة شغاله في المستشفي ولسة ما بتعرفش تعمل رسم قلب طب هتعرف امتي واللي يغيظك انها شغاله في قسم هو رسم قلب كل يوم أمال هتعمله امتي لانها ما تعلمتش حاجة في الكلية وطلعت خضرا ..!!

طب تصور الموقف اللي حصل:. إن القسم بتاعنا ما فيش حد فيه بيعرف يعمل رسم قلب !!قلنا خلاص مافيش مشاكل نجسب واحده من العناية وتخيل بقي العناية نفسها مش عارفة تعمل رسم قلب  يادي الفضيحة..!! فكانت الممرضات يا جدع تقولش كان جاي لهم شلل أياميها -والحظ الحلو إن ما كنش فيه داكاترة دا كانوا خربوا بيتنا- فجابوا واحدة ممرضة من الجامعة هيه اللي عملتلهم رسم القلب مش لانهم مابيعرفوش يعملوا رسم القلب دا حاجة تانية عبيطة قوى لانهم ما بيعرفوش يركبوا البكرة أي والله وكل واحد يجي يحط البكرة من الجهة اللي مش شغالة ومصممين انها كده صح رغم انها ما بتشتغلش زيا اخوانا مش من هنا يقولك لأ..هي من هنا وهوه دا الجنب الصح

هذه المشاركة ليست استهزاء بالتمريض

ولكنها لعرض واقع ..نريد تغيره