فتحت جرنال " التيت "
فتحت جرنال " التيت "
لقيتهم كاتبين شخابيط
أول خبر
نجحت الثورة
نجاح كبير
بفضل ميدان التحرير
بس خلاص ياجماعه نهدى
لاحسن الحمل بقى كبير
صبرنا عليهم وقولنا
عايزين ياحكومة حلول
قالوا مافيش فلوس
قولنا .. ح نقضيها طول الشهر فول
إحنا بنحب بلادنا وحنفضل بايدينا نبنيها
حتى لو ح نصوم شهر
هنصبر لأجل ما نعليها
سألنا ياترى اللي جي ح يكون إيه ..؟!
قالوا متسألوش لسه بنصفي القديم
اللي تعرفوا خلاص على الشاشة اتذاع
واللي محدش يعرفوا .. ده بقى لسه فيه كتير
النظام كان كله " شبربرم "
وكل أوراقهم .... غم
إختلاس
سرقه
نهب
أهو مال مالوش صاحب والكل فيه بيلم
أنا قلت أروح واسأل عن اشاعات النظام القديم
أخبار ايه الطيور وإنفلونزا الخنازير ..؟
قالولي اللحمه كانت صالحه وخنزيرنا عال العال
كانوا بيأكلوا الزباله والعدات كان شغال
قلت وانفلونزا الطيور بردو زي الخنازير ..؟
قالولي أما الطيور
دي كانت كدبة إبريل
والنظام خم المصريين .
جميع الحقوق محفوظه للكاتبه/ هايدى دياب
تعليقات