القذافي للدعاية والاعلان
القذافي للدعاية والاعلان
الان ولفترة محدودة
عايز تضحك...........مش هتلاقي خدمة احلي من خدمة القذافي نكت ، خدمة 24 ساعة علي جميع محركات البحث
عايز تحزن ...........القذافي وقواته واللي بيعمله في اهله واللي هيحصل للعرب بسبه احسن حاجة تحزنك
عايز تبقي مهيس............اتفرج علي خطابات القذافي
عايز تنتحر ومش لاقي طريقة .....يا تروح ليبيا وتعارض القذافي ،ودا صعب عليك..!!
بس الان مع القذافي موت يمكنك تسجيل الخطابات وسماعها اكتر من مرة وصدقني لو اعصابك جامدة ..هيجيلك شلل...وبعدين تمرض وتموت
يا اما تموت من الضحك
يا اما .........من الاخر ...هتموت هتموت
يعني من الاخر القذافي خدمات لحد الممات حتي في الممات
طيب عايز تقول لواحدة بحبك ومش عارف تبدأمنين ....؟صدقني مش هتلاقي احسن من الكلام معاها عن القذافي ..هتلاقيها معاك ع الخط اية لبلب
عايز تقول لحد انك بتكرهه ومش عايز تقولها له دايركت مباشر يعني ..الان ممكن تقوله صباح الخير ياقذافي او مساء الخير ،وما شابه من السلامات
الان كل حاجة واي حاجة ولفترة محددودة ، مع خدمات القذافي الغير محدودة
حتي لو عايز تلبس قضية .....؟! بردة القذافي معاك في كل مكان
يعني ممكن تنام تحلم بالقذافي
تصحي تسمع القذافي
تشوف القذافي
يعني من الاخر مع القذافي ..انت في مرمي الحدث
وقريبا انتظروا اقوي العروض من القذافي للدعاية والاعلان
القذافي وكالة بجد مش أي كلام
ahmed fawzy
تعليقات
ضحكتنى يا فوزى ...القذافى وراك وراك